twitter

facebook

youtube

Прилепчани можеби ќе треба да си замислуваат оти мостот во Сточен пазар е мост на Босфор?

Прилепчани можеби ќе треба да си замислуваат оти мостот во Сточен пазар е мост на Босфор?

Вести

Почитувани медиуми, почитувани сограѓани Ако вените и артериите се крвотокот на едно тело, тогаш патната инфраструктура е крвотокот на еден…

More...
СДСМ Прилеп користи службени возила за партиски цели: ОЈО и МВР на потег

СДСМ Прилеп користи службени возила за партиски цели: ОЈО и МВР на потег

Вести

Почитувани сограѓани, почитувани медиуми, Соочени со изборниот пораз кој им следува на 15-ти јули, СДСМ од ден во ден се…

More...
На 15-ти јули државата се враќа во рацете на граѓаните! Време е за Обнова на Македонија!

На 15-ти јули државата се враќа во рацете на граѓаните! Време е за Обнова на Македонија!

Вести

Почитувани сограѓани, почитувани медиуми, Република Македонија е исправена пред најголемиот предизвик во поновата историја! Изборите на 15-ти јули се единствена…

More...
Frontpage Slideshow | Copyright © 2006-2012 JoomlaWorks Ltd.

Нов голем скандал на градоначалникот на Прилеп, Илија Јованоски

Среда, 11 Декември 2019 00:00

Почитувани сограѓани, почитувани медиуми,

После скандалот со бесправното градење на диво на хотел во градскиот пазар на негов роднина, милионската сума за набавка на четирите автобуси и стопирана изградба на мовчето во населбата Сточен пазар за 500.000 евра, која сума во меѓувреме може да стане повисока, денеска одново ќе презентираме сомнежи за можна злоупотреба и сомнителни јавни набавки од страна на градоначалникот Илија Јованоски.

 

Имено, градоначалникот на 3-ти Ноември, Денот на ослободувањето на Прилеп, пресече лента за новиот споменик посветен на Масакрот кој бугарскиот окупатор го извршил во село Дабница.

Според тендерската документација за овој споменик објавена на електронскиот систем од Бирото за јавни набавки, крајниот рок за поднесување понуди и отварање на истите за реставрација и поставување на споменикот бил 5-ти ноември 13:00 часот, а истиот беше поставен на 3-ти ноември. Чудно и надвор од сите законски правила и прописи. Прво го поставил споменикот, а дури после два дена е отварањето на понудите за најповолен понудувач кој би го поставил истиот.

Соочени со ваквиот голем пропуст и сакајќи веројатно да се скријат од одговорност, тендерот бил поништен, но и покрај тоа, повторувам, споменикот беше поставен на 3-ти ноември. Градоначалниче, еве јавно ве прашуваме, како, на кој начин и според кој критериуми сте избрале изведувач на овој споменик? Дали е точно дека тендерот сте го поништиле бидејќи не сте добиле ниту една понуда? Граѓаните на Прилеп ги интересира како и кој без завршена тендерска постапка, без склучен договор, ги заврши потребните работи за реставрација и поставување на споменикот и го постави споменикот?

Уште еднаш ве прашуваме, кој е изведувачот на работите за поставување на овој споменик, кој го избра и во каква постапка? Што ли ќе лажете сега и со какви ли закани за тужби и пријави ќе се браните овој пат? Секој ден поминат на власт ви е исполнет со скандали и сомнежи за незаконско трошење на парите на граѓаните.

Ова е само уште еден во низата скандали, за кои ќе се бара одговорност и ќе се провери се до последен детал.

На градоначалникот Јованоски и власта на СДСМ одново им порачуваме! Без разлика на тоа колку сте заштитени од јавното обвинителство и останатите органите на прогон, правдата ќе ве стигне после 3-ти јануари.

Република Македонија ќе ја биде, но само без вас на власт!

Ви благодарам!