31.05.2010

 Првиот младински информативен советодавен центар во југозападен балкан е отворен во Прилеп со што на младите им се создаваат можности на едно место да ги добијат информациите кои се предмет на нивниот интерес, како што се за слободни работни места, за волонтирање, за продолжување на образованието, за остварување социјални права за културни, спортски и рекреативни активности.
На отворањето присуствуваа Претседателот на Општински Комитет - Прилеп г-динот Гоце Ингилизов како и претседателот на Унија на Млади Сили при ВМРО - ДПМНЕ г-динот Мишко Ристески.

Во центарот одредена услуга и информација младите може да добијат на истиот начин како да е побарана во информативниот центар во Брисел, истакнаа извршниот директор на европската агенција за младинско информирање ЕРИКА, Давиде Капеки и Зоран Илиески од Коалицијата „Сега„.

Проектот „Младински Информативен Центар”, е прв проект од ваков вид кој се реализира во Р.Македонија во соработка на Агенција за млади и спорт на Р.Македонија, Коалицијата на младински организации СЕГА и Општина Прилеп.

Вакви центри ќе добијат и другите градови, најави директорот на Агенцијата за млади и спорт Диме Спасов, а во Прилеп ќе биде отворен пункт за младите и во ЦК „ Марко Цепенков„.